Mykje godt og interessant på smittetrygg lansering av Fronsbygdin

Det blir ein gild kveld! Med lansering av Fronsbygdin 2020 i Inntunet på Vinstra videregåande torsdag 29. oktober kl 1900. Kva for farge er det på omslaget i år? Kva for godbitar gøymer seg mellom permane?

Gard Espeland kjem til å danse seg gjennom artiklane, slik berre han kan det. Einaste avsløringa de får her, er at boka har med ei forteljing om kva for eit drama det var å byggje hus i Fron under krigen. Som om ikkje det var nok: Roger Slåstuen kjem og spelar tre slåttar frå Skåbu. Og så: Ellen Kathrine Friis, arkeolog ved Kulturhistorisk museum fortel om busetting ved Olstappen, Skåbu i 10.000 år. Funn som var ein sensasjon. Her på denne heimesida finn du litt oppvarming.

Biteti og kaffi blir det med alle naudsynlege smitteverntiltak, så du kan trygt møte fram på lanseringa av Fronsbygdin 2020 til ein triveleg kveld. Og er du ikkje medlem av Fron historielag – meld deg inn her. Velkomen!