Lansering av Fronsbygdin torsdag 30.10.kl 18

To gonger vart Fron delt i to kommunar, i 1852 og 1976. Fyrste gongen i fred og ro. Andre gongen med mykje strid og noko vondt blod. Kom på biblioteket på Vinstra torsdag 30. oktober kl 18 og høyr Asbjørn Ringen. Han har skrive ein god artikkel i Fronsbygdin 2025 om to ekteskap og to skilsmisser og har mykje å fortelje på lanseringa. Her får du attpåtil høyre norgesmeisteren i dur-spel 2024 – Simen Fjeldberg Håland frå Vinstra. Dei to redaktørane, Geir Paulsrud og Erling Skurdal, presenterer boka, og så blir det biteti og kaffi. Altså: Nord-Fron bibliotek torsdag 30. oktober NB: kl 18. Ver presis, for lanseringa startar med presentasjonen. Og visste du at det var planar om flyplass på Slangen? Mange godbitar i årets utgåve av Fronsbygdin!