«Det var som ei ferd lukt inn i tåkeheimen – Ingen hadde ei aning om kva som kunne skje»

Slik skildra ein Gudbrandsdøl korleis det var for dei tidlege utvandrarane frå dalen, som reiste med seilskuter til Amerika. Det var ei risikabel reise inn i det ukjende og uvisse. Fronsbygdene hadde blant dei høgaste utvandringstala i Norge! Kva fekk haugevis av folk til å dra frå Fron på 1860-talet? Kven var dei som drog? Korleis var reisa? Kva møtte dei i det nye landet? Korleis vart livet for dei, for barna deira og barnebarne deira? Dette er blant spørsmåla vi skal søke å finne svar på gjennom foredraget «Frå Kvam til Minnesota i 1867»

 I år markerer vi at det er 200 år sidan den organiserte utvandringa frå Noreg til Amerika starta. Så kom og høyr Arild Teigens «forrykande» foredrag, som er eit bidrag for å vise historia på «mikronivå», gjennom auga til ein vanleg familie som braut opp, brende alle bruer og drog frå Kvam i 1867.

Vel møtt på Sødorp Gjestgivergård, torsdag den 20.november kl. 18.00! Kaffispleis kr. 100,- pr. pers.