Karlsrud og Nermoens Gåmmåldansorkester vann NM i gammaldans i 1984. Frå venstre: Konrad Havn (kontrabass), Pål Karlsrud (trekkspel), Ivar Nermoen (trekkspel), Hans Bergum (gitar), Øystein Rudi (fele) og Erik Bjørke (fele). Signe Morken står med pokalen og held tale til vinnarane.

OLE CHR. RISDAL: I romjula 2014 gjekk det bort ein markant skikkelse innan gammaldansmiljøet i Gudbrandsdalen. Ivar Nermoen var ein fantastisk trekkspelar som var med i fleire grupper. Dei fleste hugsar han kanskje best frå Karlsrud og Nermoens Gåmmaldansorkester, som også vann NM i 1984. Heilt til det siste var han fast inventar i Fron Trekkspillklubb. Elles var han med i Helge Hysjuliens gammaldansorkester. Dei deltok i «Kappspel», ein konkurranse i gammaldansmusikk som NRK produserte i 1996. Nermoen budde på Vinstra, men var eigentleg frå Ringebu.