Lansering av Fronsbygdin 2016 på Nord-Fron bibliotek torsdag kl 19

Øystein Hov

Sverre Hov var prest i Sør-Fron i 24 år frå 1950 til 1974. Øystein Hov teiknar eit portrett av far sin, når historielaget lanserer den 13. utgåva av Fronsbygdin torsdag 3.november kl 19.00 på Nord-Fron bibliotek. Det blir underhaldning ved elevar frå landslina i folkemusikk på VVS, gjennomgang av boka ved redaksjonssekretær Gard Espeland.  I biblioteket er det også ei utstilling av medlemmer i Vinstra målarklubb, som har vore aktive i 40 år. Ola Holen har skrive jubileumsartikkelen i Fronsbygdin: 40 år med pensel og palett. 
Kaffi og «biteti» og boksal. I tillegg til Fronsbygdin 2016  kan du kjøpe eldre årgangar for berre 100 kr. Vel møtt!