Geir Paulsrud og Erling Skurdal tar over i 2024

I Fronsbygdin 2003 finn du desse artiklane: «Ole Johannesen – askeladden frå Baukholsgrenda»  og «Kongsvegen gjennom Sør-Fron». Kva er spesielt med dei? Jo, medforfattarar her er dei to nye redaktørane i Fronsbygdin: Erling Skurdal og Geir Paulsrud. Når Fronsbygdin 2024 vert lansert, er det ikkje lenger Rasmus Stauri, Gard Espeland og Hildegunn Ruset som står bak, men desse to karane. Rasmus Stauri har lengst fartstid – når han gir seg neste år, har han vore drivkrafta bak alle dei 20 utgåvene av årboka!

Dei to som tar over, gler seg til oppgåva. Dei er i ferd med å bli pensjonistar og har derfor tid. Erling Skurdal er utdanna frå det som den gong heitte Landbrukshøgskulen på Ås og Geir Paulsrud er magister og seniorrådgivar ved Norsk vegmuseum. Store endringar i Frongsbygdin blir det nok ikkje i 2024, seier dei, men etter kvart vil vi nok merke at dei kjem til å sette sine spor.

.