Torsdag 19. mars kl. 19.00 inviterer Fron mållag til kulturkveld i Ruste bygdahus, der Pål Kluften sitt liv og virke blir presentert. Han er blant mykje anna kjend for å ha teke initiativ til Per Gynt-stemna på Vinstra, som i dag er vidareført i Kulturfestivalen Peer Gynt. Det blir musikk av Mukampen spelemannslag, og av Øystein Rudi, Geir Thorud og Tom Willy Rustad, i tillegg til gammalt opptak av Pål Kluften sitt eige spel. Arne Åsmundstad vil fortelja om Kluften sin oppvekst i Ruste og slekta hans i Fron. Rasmus Stauri kåserer om Kluften sin store kulturinnsats, iblanda musikalske innslag. Det blir også allsang. Nokre av Kluften sine foto blir stilt ut. Det blir utlodding, boksal og servering av kaffe/biteti. Alle er velkomne til ein flott kulturkveld til 150 kr i inngang.