Utgravingsfelt på botnen av Olstappen i Skåbu. Foto: Kulturhistorisk museum

I samband med kulturminneregistreringa i Skåbu, vil arkeologane arrangere kurs i registrering av kulturminne på Dalseter Høyfjellshotell fyrstkommande tysdag klokka 17.30. Fyrst kan alle kose seg med ein god kaffikopp og noko frukt i konferanserommet, og samtidig få ei teoretisk innføring. Deretter blir det tur til Verksodden for å sjå på fangstanlegg, jernvinneanlegg og nyare kulturminne. Det vil bli utdelt nødvendig utstyr slik at deltakarane kan få prøve seg på registrering. Tanken er at folk kan føle seg betre rusta til å registrere på eiga hand utover sommaren og hausten. Dette er eit viktig bidrag til dei kommunale kulturminneplanane.

Kurset er fyrst og fremst for dei som meldte seg på førre gongen, men ein kan gjerne ta med venner og kjente. Hugs å ta med gode sko og gjerne litt niste!  Vel møtt!