Foto: Jan Haugseth
Rundt 25 personar møtte fram på årsmøtet til Fron historielag sist torsdag. Det burde vore fleire med tanke på det flotte foredraget til Hans Olav Haugen. Han skildra svært levande korleis Ingebjørg Sletten Fosstvedt klarte å bringe 15 engelske soldatar i sikkerheit. Haugen har lagt ned eit kolossalt arbeid i å kartleggje denne historia, og formidlar ho på ein framifrå måte. Utruleg viktig og verdfullt arbeid! Når det gjeld reine årsmøtesaker, så vil vi underrette om valet og endring i styret. Gunnar Lien valde å gå ut no etter fleire periodar. Han er ein svært kunnskapsrik person som vi har hatt stor glede av å ha med i styret. Vi takkar han for flott innsats! Åmund Bækken Blakar frå Vinstra kjem inn som ny styremedlem. Med sine 28 år er han nok den yngste som nokon gong er vald inn i styret i Fron historielag. Kjempeviktig og artig å få med den yngre garde i styret! Åmund har mastergrad i historie og underviser ved Vinstra vidaregåande skule. Vi ynskjer han hjarteleg velkomen!
ad flyktningloser så hadde det vært artig å vite om flere som arbeidet som det under krigen i Fronsområdet. Far min var flyktning og kom seg til Harpefoss men måtte reise tilbake til oslo fordi han kom seg ikke videre. Han kom seg over via den godt brukte ruta med tog til Fredrikstad/halden og videre over der. Han gikk så inn som politisoldat i politistyrkene og ble dimmitert først i september 1945 og var med bla. som vakt under oppgraving av nordmenn som hadde blitt skutt.