Måndag 29. juli vaknar tradisjonane att i Sør-Fron

Heis flagget! For oslok er offisiell flaggdag, og i år blir det liv i olsok-tradisjonen att. Dagen skal løftast fram på nytt. Frammøte på Steig med omvising og orientering. Foredrag og mat på Dale-Gudbrands gard. Vandring langs pilgrimsleia til kyrkja, der det blir folkemusikkgudsteneste ved Kristinn Òlason, biskop Solveig Fiske og kantor Sergey Shulga, Sør-Fron spelemannslag og juniorane i  laget. Dansarar frå Mukampen spel- og dansarlag, Helga Myhr, hardingfele. Etter Olsokmessa er det bevertning i kapellet v/ Sør-Fron bygdekvinnelag.

Feiringa av olsok er til minne om Olav den heilage som fall i slaget ved Stiklestad 29. juli 1030, og olsok har også tidlegare vore feira på Hundorp og på Dale-Gudbrand Gard. – Vi har ein tradisjon å ta vare på slik som den årlege feiringa på Stiklestad, seier Rasmus Stauri til Dølen. Han er leiar for komiteen. – Dale Gudbrands Gard har sterk tilknytning til Olav Den Heilage og kristninga av Norge, men i det nye arrangement vårt blir det historiske meir sentralt enn det religiøse, fortel Stauri. Det er solid bakgrunn for å markere olsok i Sør-Fron, det låg som ei målsetting ved 1000-årsjubileet i 2021 å løfte fram denne dagen på nytt.

Programmet for måndag 29. juli:

Kl 1200: Vel møtt til olsok 2024  v/ sokneprest Kristinn Olason. Frammøte på Steig, der vi får omvising og orientering

Kl  1500: Middag på Hundorp. Tradisjonell olsokmat. Påmelding til Sofie på Dale-Gudbrands gard innan 25. juli, tlf  952 18 225

Kl 1700-1800: Foredrag ved Ingar Gundersen, Tormod Stauri og Rasmus Stauri.

Tema:

• Funna på Hundorp v/ Ingar Gundersen
• Skinnbrev (diplom) frå middelalderen i Sør-Fron  v/ Tormod Stauri
• Olavsarven i bygda v/ Rasmus Stauri

Kl 1820: Vandring frå Hundorp etter pilegrimsleden til Sør-Fron kyrkje. Leiar: Per Gunnar Hagelien.

Kl 1900. Folkemusikkgudsteneste ved Kristinn Òlason og biskop Solveig Fiske. Kantor Sergey Shulga. Folkemusikk med Sør-Fron spelemannslag og juniorane i  laget. Dansarar frå Mukampen spel- og dansarlag. Helga Myhr, hardingfele.

Etter Olsokmessa er det bevertning i kapellet v/ Sør-Fron bygdekvinnelag.

Vel møtt! Helsing Sør-Fron kommune, Sør-Fron sokneråd, Pilegrimssenter Dale-Gudbrand, Gudbrandsdalsmusea, Hundorp kultur