Ny nettside i Opplandsarkivet er ei god utstilling

Mange har gått på Gudbrandsdalen folkehøgskule før han vart nedlagd i 1987. Nå ligg det ei utstilling om skulen på nettet under Opplandsarkivet avd Maihaugen. Her er historikk og mange bilde, brev og artiklar, stoff om elevar og bygningar,  om Grundtvigianismen og Einbusamlinga. Det er berre fem år til 1000-årsminne for møtet mellom Dale-Gudbrand og Heilag Olav. Her kan du lese om festen ved 900-årsminnet i 1921. Dette er ei nettside som vil vere interesant for mange. Her er ei historie om Sigrid Undset:

Dei gongene ho kom til folkehøgskulen, var det ikkje minst for å få kvile og ro og unngå presse og besøk på Bjerkebæk. Ein gong ho kom sa ho til Lise Stauri, som ho kjende så vel. «Lise, jeg er i forferdelig dårlig humør!» Da var det Lise svara med sin store menneskekunnskap, sitt stavangerske blide lynne og gode teft for situasjonen. «Gå opp og legg deg, Sigrid, så laver jeg kakao imens.» Den store forfattaren gjekk opp og la seg attpå, og kom ned etter eit par timar. «Nu er det hele lettet.» «Godt, da drikker vi kakaoen,» sa Lise.

Folkehøgskulen sett frå Steig rundt 2000. Foto: Rasmus Stauri.