Ny rekord for denne heimesida i 2015

Fron historielag var i godt lag i 2015 – og takk til alle for samvær på nettet med interesse for lokalhistorie i Fron. Artiklane og bilda på denne sida vart lesne og sett nær på 153 000 gonger. Tilsvarande tal for 2014 var 151 000. Sida hadde over 72 000 besøkande – mot 59 000 i fjor.

Den mest lesne artikkelen har faktisk vore på nettet i bortimot to år: Eivind Holens «Vis-Knut spådde rett». Den vart lesen 5564 gonger. Johan Dalsegs «Døden tapte kampen i myrholet» kjem som nr 2, 2206 klikk. Ivar Svelles «Ho vart aldri som ho skulle att» på tredje plass.

Av lesarar som vandrar til sida frå andre nettstader, kjem flest frå Facebook, men ôg mange frå ikvam.net og vinstra.no.

Flest nordmenn, men 7572 besøk frå USA og 1295 frå Sverige.

Godt nyttår til dykk alle og vel møtt i 2016!